+26 °C, +15 °C ... +26 °C Վաղը`+26 °C
Բելառուսի նախագահ Ալեքսանդր Լուկաշենկոն երդմնակալությունը երկրի ներքին գործն է համարել։ Նախօրեին, առանց նախնական հայտարարության, նա ստանձնել է պետության ղեկավարի պաշտոնը։ «Բելառուսի օրենքներով մենք չպետք է արևմտյան պետություններից որևէ մեկին և ընդհանրապես ինչ-որ մեկին նախազգուշացնենք (երդմնակալության մասին)։ Գիտեք, երդմնակալության արարողությանը հրավիրվել է մոտ 2 հազար մարդ՝ զինվորականների հետ միասին: Եվ գաղտնի պահել դա գրեթե անհնար է»,- պատասխանել է Լուկաշենկոն: Նա նաև հայտարարել է, որ հարևան որոշ պետություններ ապակառուցողական դիրքորոշում են որդեգրել այդ հարցի վերաբերյալ։ «Հարևաններն Աստծո կողմից են տրված, նրանց չեն ընտրում, և մենք դատապարտված ենք միասին ապրել, ընկերություն անել։ Բայց պարզվում է, որ միշտ չէ, որ այդպես է։ Հարևան պետությունները, հատկապես Լեհաստանը, դուք գիտեք, թե ինչ դիրքորոշում է որդեգրել։ Նույնիսկ երեկվա երդմնակալության արարողությունից հետո կան ինչ-որ դժգոհություններ և պահանջներ, որ մենք չենք հայտնել լեհերին, լիտվացիներին, ուկրաինացիներին, չեխերին կամ էլ ինչ-որ մեկին, որ անցկացնելու ենք այդ միջոցառումը»,- ասել է Լուկաշենկոն՝ նշելով, որ դա իրեն զարմացնում է։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am