ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+6 °C, +5 °C ... +16 °C Վաղը`+19 °C
Իտալական եկեղեցուց գողացել են Հովհաննես Պողոս II պապի արյամբ լցված սրվակը
22:40, 24.09.2020 | mamul.am
4141 | 0

Կենտրոնական Իտալիայում գտնվող եկեղեցուց գողացել են սրվակը, որում Հռոմի Պապ Հովհաննես Պողոս 2-րդի արյան մի քանի կաթիլներ են եղել:
Սրվակը մասունքներից մեկն է, որը պարունակում է հանգուցյալ քահանայապետի արյունը և այն պահվում էր Սպոլետոյի տաճարի մատուռում՝ Հռոմից մոտ 60 մղոն հեռավորության վրա։
Սակայն չորեքշաբթի երեկոյան տաճարի սպասավորը, ով պատասխանատու է շենքի և դրա ներսում գտնվող իրերի պահպանման համար, հայտնաբերել է, որ այն կորել է:
Ոստիկանությունը հետաքննություն է սկսել մեղավորներին գտնելու համար։
Քննիչներն ստուգել են շենքի ներսում գտնվող տեսախցիկների տեսագրությունները, սակայն դեռևս չեն պարզել կասկածյալի ինքնությունը:
Տաճարի արքեպիսկոպոս Ռենատո Բոքարդոն դիմել է գողերին՝ կոչ անելով վերադարձնել մասունքը։
«Համարձակվում եմ հուսալ, որ դա մանր ավազակություն է, որն ուղղված չի եղել հավատացյալների զգացմունքները վիրավորելուն,- ասել է նա։- Ես նաև համարձակվում եմ հուսալ, որ այդ անխոհեմ արարքը չի կատարվել փող աշխատելու համար»։
Սրվակը եկեղեցուն նվիրվել է 2016թ-ին կարդինալ Ստանիսլավ Ձիվիշի կողմից, ով 2005թ-ին մահացած լեհ պապի օգնականն է եղել:
Այն պահպանվել է մատուռում գտնվող՝ Ալբերտո Սոտիոյի խաչի մոտ, որը ստեղծվել է 1187թ-ին։
Մատուռը պաշտպանված էր փակ դարպասներով, որոնք մոտ 3 ոտնաչափ բարձր են գետնից և բաց չեն կողմնակի անձանց համար։ Այն ունի նաև ազդանշանային համակարգ, որը պաշտպանում է խաչը, թեև մասունքը պաշտպանված չէ, ինչը թույլ է տվել գողերին աննկատ հեռանալ։

Կիսվի՛ր այս նյութով՝
դեպի վեր