Mamul.am
Ամբողջական տարբերակ Մամուլի խոսնակ
USD 494.31, EUR 584.77, RUB 6.42, GBP 647.00
+11 °C, +9 °C ... +20 °C Վաղը`+20 °C
Hay / Հայ | Рус | Eng | Tür
«Ադրբեջանը ձայնային կեղծ տեղեկություն է տարածում՝ խուճապ առաջացնելու համար». Ալեն Ղուլյան
21:30, 26.09.2020

Փորձագետ Ալեն Ղուլյանը ֆեյսբուքյան իր էջում գրել է. «Ուշադրություն. Հայաստանի և Արցախի բնակչության շրջանում խուճապ առաջացնելու նպատակով Ադրբեջանի հատուկ ծառայությունները կեղծ տեղեկություններ պարունակող հայալեզու ձայնային հաղորդագրություն են պատրաստել, որը ակտիվ տարածում են սոցիալական ցանցերում և տարբեր տեսակի մեսենջերներով (WhatsApp, Viber և այլն).
43 վայրկյանանոց ձայնագրության մեջ տղամարդը հայերենով խոսում է այն մասին, թե իբր Արցախում վիճակը շատ ծանր է, ճանապարհները փակ են, թե իբր Արցախի նախագահն ու պաշտպանության նախարարը իրենց ընտանիքները ուղարկել են Երևան, իսկ մնացածներին արգելել են դա անել, թե իբր զինծառայողները լքում են մարտական դիրքերը` ընտանիքները Երևան տեղափոխելու նպատակով և այլն։
Խոսքերից և առոգանությունից պարզ երևում է, որ խոսացողը հայ չէ, ամենայն հավանականությամբ, հայկական տիրույթում ակտիվ մշտադիտարկում իրականացնող և կեղծ հայկական օգտահաշիվներով ապատեղեկատվություններ տարածող
Ադրբեջանի հատուկ ծառայությունների համապատասխան ստորաբաժանումների այսպես կոչված «հայագետ»-սպաներից է։
Եղեք զգոն և ուշադիր։
Հ.Գ.Խնդրում եմ տեղադրածս նյութը տարածել միայն զգուշացման նպատակով»:

Տեղեկացրե՛ք Ձեր մտերիմներին
| |
դեպի վեր