Տեղի է ունեցել ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի հեռախոսազրույցը: Զրույցը տեղի է ունեցել հայկական կողմի նախաձեռնությամբ։ Այս մասին հայտնում է Կրեմլի մամուլի ծառայությունը։
Հաղորդագրության մեջ նշվում է, որ նրանք քննարկել են ԼՂ հակամարտության գոտում լարվածության կտրուկ աճը։ Ռուսական կողմը մտահոգություն է հայտնել լայնածավալ ռազմական ընդհարումների կապակցությամբ։
«Այժմ կարևոր է ձեռնարկել բոլոր ջանքերը՝ թույլ չտալու համար հետագա լարվածությունը, և կարևոր է դադարեցնել ռազմական գործողությունները»,- ասված է հաղորդագրությունում: