«Ադրբեջանի սանձազերծած արկածախնդրությունը կարծես թե միտում ունի վերածվելու մեզ համար 21-րդ դարի Սարդարապատի: Ինչպես որ 20-րդ դարում հայ ազգի առջև դրված էր հարց՝ ապացուցելու հայ ազգի գոյությունը, այնպես էլ այսօր թշնամին ստիպում է մեզ հերթական անգամ այդ հարցին տալ պատասխան, որը պետք է լինի շատ ուժեղ»,- հայտարարեց իմքայլական Համազասպ Դանիելյանը: Հիշեցնենք՝ ԱԺ-ն արտահերթ նիստ է հրավիրել. օրակարգում Արցախի Հանրապետության դեմ Ադրբեջանի սանձազերծած ռազմական ագրեսիան դատապարտելու վերաբերյալ հայտարարությունն է: «Կազմակերպված ձևով հակահարված ենք տալու մեր դիմաց կանգնած բռնապետի արկածախնդրությանը, ում միակ նպատակը ոչ թե Արցախին տիրանալն է, այլ իր կաշին փրկելը»,- հավելեց պատգամավորը: |