«Մեր դիվանագիտական ամբողջ ծառայությունն աշխատում է արտակարգ ռեժիմով: Երեկ ԱԳ նախարարը հեռախոսազրույցներ է ունեցել երկու տասնյակ գործընկերների հետ: Դրանք պետք չէ ընկալել որպես մեկանգամյա գործողություն, շարունակական են»,- ասուլիսի ժամանակ հայտարարեց ԱԳՆ խոսնակ Աննա Նադալյանը: Վերջինը նշեց, որ ունենք միջազգային հանրության անվերապահ աջակցությունը, որը դատապարտում է ուժի կիրառումը: «Ադրբեջանի ագրեսիան ունի երկու առանձնահատկություն, այն է, որ նախ՝ Ադրբեջանի նախագահի մակարդակով հրապարակավ հրաժարում է եղել խաղաղ գործընթացից ու խնդիր է դրվել խնդիրը լուծել ռազմական ճանապարհով ու երկրորդ, այս անգամ առնչվում ենք Ադրբեջանին ցուցաբերվող Թուրքիայի քաղաքական ու ռազմական աջակցության հետ»,- հայտարարեց Նաղդալյանը: