+26 °C, +14 °C ... +26 °C Վաղը`+28 °C
Արցախի նախագահ Արայիկ Հարությունյանը հրավիրած մամուլի ասուլիսի ժամանակ անդրադարձել է շփման գծում տիրող իրավիճակին: «Հակառակորդի հարձակումների հիմնական ուղղությունները եղել են հարավային ուղղությամբ և Թալիշ-Մատաղիս, «Եղնիկներ» հատվածը, ինչպես նաև՝ հյուսիս-արևելյան ուղղությունը: Կեսօրից հետո լայնածավալ հարձակում են սկսել Մռավի ուղղությամբ, որևէ հաջողություն չեն արձանագրել, հիմա էլ սկսել են հարձակում Օմարի ուղղությամբ»,- ասել է նա: «Տասնյակ տանկեր գալիս են՝ խփում ենք, նորից են գալիս: Պատճառը երևի այն է, որ երեկ Ադրբեջանի ռազմաքաղաքական ղեկավարությունը շտապել է հայտարարել, թե իբր Ֆիզուլիի ուղղությամբ մի շարք գյուղեր են գրավել, բայց այդպիսի բան չի եղել: Ուստի, այդ բացը լրացնելու համար, այսօր միայն 50, եթե ոչ ավելի, տանկ և այլ զրահատեխնիկա են օգտագործել»,- հայտնել է ԱՀ նախագահը՝ հավելելով, որ Արցախի ՊԲ-ն կարողացել է խոցել տասնյակ տեխնիկա և կորուստներ պատճառել հակառակորդին: Արայիկ Հարությունյանը տեղեկացրեց, որ Ադրբեջանը շատ երկար է պատրաստվել այսօրվա պատերազմին: «Ես այսօր կարող եմ փակագծեր բացել, թե ինչ է կատարվել կապի բնագավառում. ամիսներով պատրաստվել են այս պատերազմին՝ փորձելով նաև վնասել մեր կապի ուղղությունները: Բոլոր մասնագետներն ասում են՝ դա օրերի խնդիր չի»,- նշել է նախագահը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am