«Տարբեր կազմակերպությունների ու քաղաքական գործիչների հետ աշխատանք է տարվում: Հայտարարություններ են արվում ի պաշտպանություն Արցախի ու դատապարտվում է Արցախի դեմ Ադրբեջանի ագրեսիան: Կան հայտարարություններ բոլոր մայրցամաքներից: Սպասվում է նաև, որ Նիդերլանդների խորհրդարանն Ադրբեջանի ագրեսիան դատապարտող բանաձևեր կընդունի առաջիկայում»,- այսօրվա ասուլիսում տեղեկացրել է Արցախի ԱԳ նախարար Մասիս Մայիլյանը՝ հավելելով, որ իրենց մշտական ներկայացուցչություններն արտերկրում այժմ աշխատում են արտակարգ ռեժիմով: Անդրադառնալով սիրիացի վարձկանների խնդրին, ԱՀ ԱԳ նախարարը նշել է, որ Արցախը բազմաթիվ տվյալներ ունի Ադրբեջանի կողմից Լեռնային Ղարաբաղի դեմ ագրեսիային մասնակցության համար վարձկանների ներգրավման վերաբերյալ: |