ՄԱԿ անվտանգության խորհրդի 15 անդամներ փակ քննարկում անցկացնելուց հետո հայտնել են իրենց «անհանգստությունը Լեռնային Ղարաբաղի կոնֆլիկտային գոտում շփման գծում ընթացող լայնամասշտաբ ռազմական գործողությունների կապակցությամբ» և «վճռականորեն քննադատել են ուժի կիրառումը»: Խորհրդի անդամներն աջակցում են գլխավոր քարտուղարի՝ կողմերին ուղղված կոչին՝ անհապաղ դադարեցնել ռազմական գործողությունները, թուլացնել լարվածությունը և առանց հապաղելու վերադառնալ բանակցություններին: |