ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+7 °C, +5 °C ... +16 °C Վաղը`+20 °C
ԱՄՆ Ներկայացուցիչների պալատում Թուրքիային ՆԱՏՕ-ից հեռացնելու բանաձև է ներկայացվել
16:50, 19.10.2020 | mamul.am
10699 | 0

Հանրապետական Թուլսի Գաբարդն ԱՄՆ Կոնգրեսի Ներկայացուցիչների պալատ է ներկայացրել Թուրքիային ՆԱՏՕ-ից հեռացնելու պահանջով բանաձևը, հաղորդում է Ամերիկայի Հայ դատի հանձնախումբը (ANCA):

Բանաձևում նշվում է, որ Թուրքիան հակամարտություն է հրահրում Լեռնային Ղարաբաղում, ռազմական աջակցություն է ցուցաբերում Ադրբեջանին, ինչպես նաև «Ալ-Քաիդա» և «ԴԱԻՇ» ահաբեկչական կազմակերպությունների գրոհայիններ է մատակարարում Ադրբեջան: Բացի այդ, բանաձևում ասվում է, որ ԼՂ հակամարտությանը մասնակցել են թուրքական օդային ուժերը, մասնավորապես՝ F-16 կործանիչները:

«Թուրքիան հակասում է ՆԱՏՕ-ի դիրքորոշմանը՝ բացահայտ աջակցելով Ադրբեջանի շարունակվող ռազմական ագրեսիային։ Եվ Թուրքիան այս ամենն անում է այն դեպքում, երբ ՆԱՏՕ-ն կոչ է անում կողմերին դադարեցնել ռազմական գործողություններն ու խնդիրը լուծել բանակցությունների ճանապարհով»,- ասված է բանաձևի տեքստում:

Կիսվի՛ր այս նյութով՝
դեպի վեր