Գերմանիան, Իսպանիան, Իտալիան, Հունգարիան և Մալթան արգելափակել են Թուրքիայի դեմ ԵՄ պատժամիջոցները: Այս մասին գրում է Greek City Times-ը՝ մանրամասնելով, որ պատճառն անօրինական ներգաղթյալների նկատմամբ վախն է, ինչպես նաև՝ տնտեսական մի շարք հանգամանքներ: Գագաթաժողովին Հունաստանին աջակցել են Ֆրանսիան, Ավստրիան և Սլովենիան: Հունաստանի վարչապետ Կիրիակոս Միցոտակիսը նախորդ գագաթաժողովի ժամանակ ասել է. «Պարզ է, որ երկար ճանապարհ ունենք անցնելու, որպեսզի մեր եվրոպացի գործընկերներին բացատրենք, թե ինչու է այդ հարցը կարևոր ոչ միայն Հունաստանի և Կիպրոսի համար, այն նաև Եվրոպայի և Արեւելյան Միջերկրական ծովում աշխարհաքաղաքական կայունության համար: Կարծում եմ, ամեն հանդիպումից հետո այդ ուղղությամբ պետք է երկար աշխատանք տանել»: |