Mamul.am
Ամբողջական տարբերակ Մամուլի խոսնակ
USD 508.21, EUR 605.94, RUB 6.70, GBP 678.82
+2 °C, -1 °C ... +5 °C Վաղը`+6 °C
Hay / Հայ | Рус | Eng | Tür
«Դիվերսիոն խմբերի ներթափանցումները փոքր բնակավայրեր, այս պահին էլ շարունակվում են». Ա. Հովհաննիսյան
22:25, 22.10.2020

«Ողջ օրվա ընթացքում հակառակորդը շարունակել է հարձակողական գործողությունները ողջ արցախյան երկայնքով: Ակտիվ է եղել ինչպես հյուսիսային, այնպես էլ կենտրոնական և հարավային ուղղությունը:

Դիվերսիոն գործողություներ են ընթացել կոնկրետ բնակավայրերի ուղղությամբ, այդ օջախային մարտերը, որոնք իրենցից ներկայացնում են, ըստ էության, տարբեր դիվերսիոն խմբերի ներթափանցումներ կոնկրետ փոքր բնակավայրեր և ճանապարհային հանգուցային կետեր, այս պահին էլ շարունակվում են»,- այսօրվա ճեպազրույցում ներկայացնելով իրավիճակը ռազմաճակատում՝ հայտնեց ՊՆ ներկայացուցիչ Արծրուն Հովհաննիսյանը:

«Հարավում, տարբեր կետերի, տարբեր օջախների հատվածներում հակառակորդի տարբեր զորախմբեր փորձել են առաջխաղացում ապահովել՝ ինչպես դեպի արևմուտք, այնպես էլ դեպի հյուսիս և հյուսիս-արևմուտք: Բոլոր փորձերը կասեցվել են, որոշ տեղերում՝ դուրս են շպրտվել՝ հակառակորդին պատճառելով զգալի կորուստներ, այդ թվում՝ զրահատեխնիկայի կորուստներ»,- շարունակեց Ա. Հովհաննիսյանը:

Ըստ նրա, հիմնական գործողություններն ընթանում են հրետանային համազարկերի, հրետանային միջոցների, նվազագույն հետևակի կիրառմամբ. «Որոշ հատվածներում կիրառվել է նաև օդային հարձակողական միջոցներ, մասնավորապես, դասական մարտավարական օդուժ»,- ասաց Հովհաննիսյանը:

Տեղեկացրե՛ք Ձեր մտերիմներին
| |
դեպի վեր