Mamul.am
Ամբողջական տարբերակ Մամուլի խոսնակ
USD 508.21, EUR 605.94, RUB 6.70, GBP 678.82
+2 °C, -1 °C ... +5 °C Վաղը`+6 °C
Hay / Հայ | Рус | Eng | Tür
Լավրովը Չավուշօղլուին հայտարարել է, որ Ղարաբաղում օտարերկրյա զինյալներ չպետք է լինեն
02:00, 28.10.2020

Լեռնային Ղարաբաղում պատերազմի մեջ օտարերկրյա զինյալների ներգրավումն անթույլատրելի է։ Այս թեզը հայտնել է ռուսական կողմը՝ Թուրքիայի հետ բանակցություններում: Այս մասին հայտնել են ՌԴ ԱԳՆ մամուլի ծառայությունից:
Ինչպես արդեն հայտնել ենք, այսօր՝ հոկտեմբերի 27-ին, հեռախոսազրույց է կայացել Ռուսաստանի և Թուրքիայի արտգործնախարարներ Սերգեյ Լավրովի և Մևլութ Չավուշօղլուի միջև։ Քննարկվել են Լիբիայում, Սիրիայում և Լեռնային Ղարաբաղում ընթացող պատերազմները։
Ղարաբաղյան պատերազմի վերաբերյալ Մոսկվան և Անկարան «ընդգծել են խնդրի խաղաղ կարգավորման այլընտրանքի բացակայությունը», ինչպես նաև ԵԱՀԿ Մինսկի խմբի մշակած մեխանիզմների շրջանակներում անհապաղ դադարեցնել կրակը և բանակցություններ սկսել:
«Հատուկ նշվել է ճգնաժամի միջազգայնացման անթույլատրելիությունը՝ օտարերկրյա զինյալների ներգրավման հաշվին»,- ասված է հաղորդագրության մեջ:

Տեղեկացրե՛ք Ձեր մտերիմներին
| |
դեպի վեր