ՀՀ երկրորդ նախագահ Ռ. Քոչարյանի աջակիցների դաշինքը գրում է. «Հարգելի՛ հայրենակիցներ, այսօր սոցիալական ցանցերում տեղադրվել է հայտարարություն, որտեղ իբր «Համախմբում Ռոբերտ Քոչարյանի շուրջ» խումբը տարածել է հայտարարություն՝ կոչ անելով բողոքի ակցիա իրականացնել։ Սակայն, կարելի է տեսնել, որ հայտարարությունը տարածել է ինչ-որ անհատ, որը մեր գաղափարակիցը չէ։ Կտրականապես հերքում ենք այս նախաձեռնության առնչությունը նախագահ Քոչարյանի աջակիցների հետ։ Ռազմական դրության և համավարակի տարածման տեմպերի նման օրերին մասսայական միջոցառումների անցկացումը չի բխում Հայաստանի Հանրապետության քաղաքացիների անվտանգության և առողջության պահպանման հրամայականից։ Ուստի, դատապարտում ենք նման նախաձեռնությունները և հորդորում նախագահ Քոչարյանի իրական աջակիցներին, որոնք խմեր ու էջեր ունեն սոցիալական ցանցերում, զգոն լինել և հետևել որպեսզի նման ապատեղեկատվություն չհայտնվի իրենց կողմից կառավարվաող էջերում»։ |