Mamul.am
Ամբողջական տարբերակ Մամուլի խոսնակ
USD 522.53, EUR 634.35, RUB 7.13, GBP 712.78
+2 °C, 0 °C ... +7 °C Վաղը`+1 °C
Hay / Հայ | Рус | Eng | Tür
Հայաստանն ու Ադրբեջանը կմասնակցեն ԱՊՀ երկրների ԶՈՒ շտաբերի պետերի կոմիտեի նիստին
11:35, 30.10.2020

ԱՊՀ երկրների զինված ուժերի շտաբերի պետերի կոմիտեի հերթական նիստը տեղի կունենա ուրբաթ` Ուզբեկստանում, Ռուսաստանի Զինված ուժերի գլխավոր շտաբի պետ, բանակի գեներալ Վալերի Գերասիմովի նախագահությամբ: Այս մասին հայտնել են ՌԴ ՊՆ-ից, փոխանցում է ТАСС-ը։
«Նիստին նախատեսվում է Հայաստանի, Ադրբեջանի, Բելառուսի, Ղազախստանի, Ղրղզստանի, Ռուսաստանի, Տաջիկստանի և Ուզբեկստանի ռազմական պատվիրակությունների, ինչպես նաև ԱՊՀ գործադիր կոմիտեի և ԱՊՀ պաշտպանության նախարարների խորհրդի քարտուղարության պատվիրակությունների մասնակցությունը»,- նշվում է հաղորդագրության մեջ:
«ԱՊՀ անդամ պետությունների ռազմական պատվիրակությունների ղեկավարները կքննարկեն պաշտպանության և անվտանգության ոլորտում փոխադարձ հետաքրքրություն ներկայացնող մի շարք հարցեր, ինչպես նաև կարծիքներ կփոխանակեն ԱՊՀ երկրների սահմանների պարագծով ստեղծվող ռազմաքաղաքական իրադրության վերաբերյալ»,- հավելել են Պաշտպանության նախարարությունում:

Տեղեկացրե՛ք Ձեր մտերիմներին
| |
դեպի վեր