ԵՄ արտաքին գործերի և անվտանգության քաղաքականության հարցերով բարձր հանձնակատար Ժոզեպ Բորելը հայտարարություն է տարածել Լեռնային Ղարաբաղի շուրջ ձեռքբերված համաձայնության վերաբերյալ։

«Ես ողջունում եմ Լեռնային Ղարաբաղում և դրա շուրջ ռազմական գործողությունների դադարեցումը։ Ռուսաստանի միջնորդությամբ համաձայնեցված կրակի դադարեցումը, որն ստորագրվել է Հայաստանի և Ադրբեջանի կողմից, թույլ կտա կանխել մարդկային հետագա կորուստները և հնարավոր է քայլ դառնա հակամարտության համապարփակ կարգավորման ուղղությամբ: Այժմ կայուն կարգավորում ապահովելու համար անհրաժեշտ կլինեն բանակցություններ։ Եվրոպական Միությունը շարունակում է աջակցել ԵԱՀԿ Մինսկի խմբի շրջանակներում բանակցությունների ձևաչափին և պատրաստ է նպաստել Հարավային Կովկասի ողջ տարածաշրջանի խաղաղ և բարգավաճ զարգացման համար համաձայնագրերի իրականացման ջանքերին»,- ասել է Բորելը։