ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +5 °C ... +16 °C Վաղը`+20 °C
«Անհետաձգելի խնդիր է ռազմագերիների ազատումը». Արթուր Սաքունց
16:25, 23.11.2020 | mamul.am
2336 | 0

Իրավապաշտպան Արթուր Սաքունցը ֆեյսբուքյան իր էջում գրել է. «Առաջնահերթ, չգիտեմ հրատապ, անհետաձգելի խնդիր է ռազմագերիների ազատումը գերությունից, վայրկյան առաջ վերջ տալու մարդկանց այն անմարդկային կտտանքներից ու դաժան վերաբերմունքից, որ ենթարկվում են ադրբեջանցիների կողմից։

Բացի Միջազգային Կարմիր խաչից, պետք է ներգրավել միջազգային բոլոր կառույցներին այս հանցագործությունները դադարեցնելու, մարդկանց այդ դժոխքից հանելու, կատարողներին պատասխանատվության ենթարկելու համար։

ԱԳՆ գիշեր-ցերեկ պետք է աշխատի այս ուղղությամբ, և ինչ է անում այս ուղղությամբ։

Անտանելի է արդեն այդ ամենը տեսնելը, որ տարածվում են տարատեսակ տեսանյութերով։

Անձամբ չեմ տարածի այդ տեսանյութերը, երբեք, բայց սա իր հերթին զանգվածային հոգեբանական ու ֆիզիկական լրացուցիչ ցավ պատճառելու, մարդկային արժանապատվությունը շարունակաբար և անպատժելիորեն նվաստացնելու նպատակ է հետապնդում»։

Կիսվի՛ր այս նյութով՝
դեպի վեր