ԱՄՆ պետքարտուղարի առաջին տեղակալ Սթիվեն Բիգանը ՀՀ ԱԳ նորանշանակ նախարար Արա Այվազյանի հետ քննարկել է մարդասիրական օգնությունն ու Լեռնային Ղարաբաղում հակամարտության կարգավորումը։
«Պետքարտուղարի առաջին տեղակալը ողջունել է նախարար Այվազյանի նշանակումը և հույս հայտնել, որ ԱՄՆ-ի և Հայաստանի միջև սերտ համագործակցությունը կշարունակվի։ Նրանք քննարկել են տարածաշրջանին ԱՄՆ-ի մարդասիրական աջակցությունը և Լեռնային Ղարաբաղում հակամարտության խաղաղ կարգավորման հասնելու նպատակով բանակցությունների ջանքերը»,- ասված է Պետդեպարտամենտի ներկայացուցիչ Քեյլ Բրաունի հայտարարության մեջ: