ԱԱԾ նախկին տնօրեն Արթուր Վանեցյանը, լրագրողների հետ ճեպազրույցում անդրադառնալով հանրահավաքի ժամանակ իր աղմկահարույց հայտարարությանը` կապված Իջևանի ակցիաների հետ, ասաց. «Նիկոլ Փաշինյանը մի շատ լավ, չակերտավոր` լավ հատկություն ունի. նա իր պաշտոնավարման ընթացքում բազմիցս հրապարակային տվել է ապօրինի հրամաններ` այդ թվում ԱԱԾ-ին: Երբ կառավարության նիստին ասում է` հանձնարարում եմ ԱԱԾ տնօրենին, գնա, գազալցակայաններում ՀԴՄ կտրոն ստուգի, դա ապօրինություն է: Երբ հանձնարարում է, որ ԱԱԾ-ն գնա, սատանա բռնի ու լկտիաբար, իր ընտանիքին պատկանող թերթով հարցում է ուղարկում ԱԱԾ ու ասում` ի՞նչ եղավ, սատանային բռնի՞ք, թե՞ չէ... Սրանով նա նվաստացնում է պետական կառավարման մարմինների դերը»: