«Իշխանությունն արդյոք ունի՞ մտավախություն, որ մեր ռազմավարական գործընկերոջ` ՌԴ ռազմական ներկայությունը և ստանձնած պարտավորություններն այդ երկրի նախագահի ռազմաքաղաքական ղեկավարության մակարդակով կարող են հանկարծ չիրականացվել և Թուրքիայի ու Ադրբեջանի սպառնալիքը կարող է առաջացնել հրադադարի խախտում և ռազմական ու պատերազմական գործողությունների շարունակություն տարածաշրջանում»,- այսօր ԱԺ-ում դիմելով «Իմ քայլը» խմբակցության պատգամավոր, պաշտպանության և անվտանգության մշտական հանձնաժողովի անդամ Արեն Մկրտչյանին՝ հետաքրքրվեց Տիգրան Ուրիխանյանը։
Իմ քայլական պատգամավորը հայտարարեց, որ անհրաժեշտություն չի գտնում պատասխանելու այդ հարցին և այս պահին քննարկվում է երկրում ռազմական դրությունը վերացնելու հարցը։ Ուրիխանյանը, շարունակելով իր պնդում-հարցը, ասաց․ «Եթե վստահում եք Ռուսաստանին, ինչո՞ւ չեք հանում ռազմական դրությունը»։