Mamul.am
Ամբողջական տարբերակ Մամուլի խոսնակ
USD 522.53, EUR 634.35, RUB 7.13, GBP 712.78
+5 °C, 0 °C ... +6 °C Վաղը`+1 °C
Hay / Հայ | Рус | Eng | Tür
ԵԽ-ը բանաձև է ընդունել, որով կոչ է արվում ԵՄ-ին խիստ պատժամիջոցներ կիրառել Թուրքիայի դեմ
21:40, 26.11.2020

Եվրոխորհրդարանը բանաձև է ընդունել, որով կոչ է արվում Եվրոմիության անդամ երկրներին խիստ պատժամիջոցներ սահմանել Թուրքիայի նկատմամբ։ Փաստաթղթի շուրջ քվեարկությունը տեղի է ունեցել Բրյուսելում՝ Եվրոխորհրդարանի լիագումար նիստում:
Բանաձևին կողմ է քվեարկել 631 պատգամավոր, դեմ՝ 3-ը։ «Եվրոխորհրդարանի պատգամավորները կոչ են անում Եվրոխորհրդին պահպանել միասնական դիրքորոշումը Թուրքիայի անօրինական գործողությունների նկատմամբ և ի պատասխան խիստ պատժամիջոցներ սահմանել»,- նշվում Է փաստաթղթում:
Բանաձևում նշվում է, որ Եվրոմիության և Թուրքիայի միջև հարաբերությունները հասել են «պատմական նվազագույն մակարդակի»:
«Թուրքիան ավելի ու ավելի է հեռանում եվրոպական արժեքներից ու ստանդարտներից։ Արևելյան Միջերկրածովյան տարածաշրջանում նրա անօրինական և միակողմանի ռազմական գործողություններն սպառնալիք են ԵՄ անդամ պետությունների՝ Հունաստանի և Կիպրոսի ինքնիշխանության դեմ։ Եվրոպատգամավորները նաև նշում են Թուրքիայի ուղղակի աջակցությունն Ադրբեջանին՝ Լեռնային Ղարաբաղում հակամարտության հարցում, ինչպես նաև նրա գործողությունները Լիբիայում և Սիրիայում»,-ընդգծվում Է փաստաթղթում:
ԵՄ և Թուրքիայի միջև հարաբերությունները Եվրոմիության պետությունների ու կառավարությունների ղեկավարների ուշադրության կենտրոնում կլինեն դեկտեմբերի 10-11-ի գագաթնաժողովում: Ինչպես սպասվում է, քննարկման շրջանակներում ԵՄ առաջնորդները կարող են Անկարայի նկատմամբ պատժամիջոցներ սահմանելու մասին որոշում կայացնել:

Տեղեկացրե՛ք Ձեր մտերիմներին
| |
դեպի վեր