Ադրբեջանում գտնվող հայ գերիների հարցով անձամբ զբաղվում է ՌԴ նախագահ Վլադիմիր Պուտինը: Այս մասին ասել է Ռուսաստանում Հայերի միության նախագահ Արա Աբրահամյանը` հավելելով, որ նախագահին իրենք դիմել են նամակով: «Մենք պարտավոր ենք այդ հարցով զբաղվել: Հանդիպել եմ նախագահի՝ միջազգային հարցերով օգնականի՝ Յուրի Ուշակովի հետ: Առաջին խնդիրը դա ենք դրել: Նամակ ենք գրել նախագահին, մենք ստացել ենք պատասխան: Այսօր Ռուսաստանի Դաշնության նախագահն անձամբ ինքն է զբաղվում»,- ասել է Աբրահամյանը` նշելով, որ իրենք հետամուտ են լինելու հարցի շուտափույթ լուծմանը: |