+13 °C, +13 °C ... +27 °C Վաղը`+26 °C
«Հրապարակ»-ը գրում է. «Մեր տեղեկություններով, ավելի քան 5-ամսյա ձգձգումից, բոլոր ժամկետները խախտելուց հետո, երբ ի վերջո Սահմանադրական դատարանը քննելիս է եղել Ռոբերտ Քոչարյանի դիմումների ընդունելության հարցը, որոնցով բարձրացվել են հունիսի 26-ի սահմանադրական փոփոխությունների սահմանադրականության հարցերը, «պատահական զուգադիպությամբ» ՍԴ նորընտիր նախագահ Արման Դիլանյանը զանգ է ստացել՝ մասնակցելու վարչապետի մոտ երեկ հրավիրված դատաիրավական համակարգի ղեկավարների հանդիպմանը: Նա այնքան է ոգևորվել հրավերից, որ ցանկացել է անմիջապես ընդմիջել ՍԴ նիստը, որ շտապի Փաշինյանի հետ հանդիպմանը: Սակայն միամտաբար բարձրաձայնել է, որ իրեն հրավիրել են ոչ թե կառավարությունից, այլ զանգել է Բարձրագույն դատական խորհրդի մի մասնագետ: Սա զայրացրել է ՍԴ մի շարք դատավորների: Արման Դիլանյանը չի մասնակցել հանդիպմանը, սակայն ոչ թե այն պատճառով, որ ազդվել է գործընկերների արձագանքից, այլ կառավարությունից չեն հաստատել հրավերը: Իսկ հրավիրելու իմաստ վարչապետը չի տեսել, որովհետևԴիլանյանն առանց այն էլ պատրաստակամ է կատարել Փաշինյանի բոլոր հրահանգները` Վահե Գրիգորյանի հրամանատարությամբ: Նրան միայն ակնարկվել է, թե ինչպես պետք է հանգուցալուծի Քոչարյանի դիմումները, և, ըստ այդմ, դրանք մերժվել են»: Մանրամասները` թերթի համարում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am