Mamul.am
Ամբողջական տարբերակ Մամուլի խոսնակ
USD 518.26, EUR 628.49, RUB 6.86, GBP 707.79
-6 °C, -6 °C ... +1 °C Վաղը`+4 °C
Hay / Հայ | Рус | Eng | Tür
Կրեմլում չեն մեկնաբանել նոր միջանցքի վերաբերյալ Ալիևի հայտարարությունը
14:05, 01.12.2020

Կրեմլում չեն մեկնաբանել Ղարաբաղում նոր միջանցքի մասին Ադրբեջանի նախագահ Իլհամ Ալիևի հայտարարությունը։ Ընդհանուր առմամբ տրանսպորտային հարցերը Ռուսաստանի և Ադրբեջանի ղեկավարների օրակարգում են, հայտնել է Ռուսաստանի նախագահի մամուլի քարտուղար Դմիտրի Պեսկովը:

Ավելի վաղ Ալիևը հայտարարել էր, որ առաջարկել է միջանցք ստեղծել, որը Նախիջևանը կմիացնի Ադրբեջանի արևմտյան հատվածին: Նրա խոսքով՝ Ռուսաստանի և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը «դրական են վերաբերվել գաղափարին»:

«Ես կոնկրետ այդ թեման կթողնեմ առանց մեկնաբանության»,- լրագրողներին ասել է Պեսկովը՝ պատասխանելով համապատասխան հարցին:

Այսօր, մեկ այլ հայտարարությամբ էլ, Ադրբեջանի նախագահն առաջարկել էր ստեղծել նոր միջանցք, որը կմիացնի Հայաստանն ու Ղարաբաղը:

Տեղեկացրե՛ք Ձեր մտերիմներին
| |
դեպի վեր