Mamul.am
Ամբողջական տարբերակ Մամուլի խոսնակ
USD 525.46, EUR 626.82, RUB 7.03, GBP 726.19
0 °C, -1 °C ... +11 °C Վաղը`+10 °C
Hay / Հայ | Рус | Eng | Tür
Բաքուն հայտարարել է Ղարաբաղում Թուրքիայի հետ բարձր տեխնոլոգիական պարկ ստեղծելու մասին
18:40, 02.12.2020

Բարձր տեխնոլոգիական պարկ կստեղծվի Ադրբեջանի և Թուրքիայի կողմից Լեռնային Ղարաբաղում, երկրներն արդեն համապատասխան հուշագիր են ստորագրել: Այս մասին հայտնում է РИА «Новости-ն՝ հղում անելով Ադրբեջանի նորարարությունների գործակալության մամուլի հաղորդագրությանը։
Գործակալությունում նշել են, որ Ղարաբաղի վերափոխումը բարձր տեխնոլոգիաների և նորարարությունների տարածաշրջանի, կարևոր նշանակություն ունի Ադրբեջանի Հանրապետության տնտեսության և առաջընթացի համար:
Այսպես, երկիրը ծրագրում է տարածաշրջանում բացել տեխնոլոգիական պարկեր, նորարարական կենտրոններ։ Դրա համար ադրբեջանական կողմը հուշագիր է ստորագրել Թուրքական GOSB տեխնոպարկի հետ, որն աջակցում է 130 տեխնոլոգիական ընկերությունների։
Փաստաթղթում նշված են նաև կետեր, որոնցում խոսվում է Ադրբեջանի և Թուրքիայի հետագա համատեղ գործունեության մասին:

Տեղեկացրե՛ք Ձեր մտերիմներին
| |
դեպի վեր