Այսօր ՀՀ վարչապետ Նիկոլ Փաշինյանի հրաժարականը պահանջող ընդդիմադիր ուժերն ու նրանց ուղեկցող քաղաքացիները Ազատության հրապարակից երթով շարժվեցին դեպի Հանրապետության հրապարակ՝ ՀՀ Կառավարության մոտ: Հրապարակի կենտրոնական հատվածում նրանք ծածանեցին մեծ եռագույնը և երգեցին ՀՀ օրհներգը: «Դրոշի մոտ պիտի երգենք մեր օրհներգը, որպեսզի այսօրվա իշխանություններն իրենց նստած տեղն ավելի վատ զգան իրենց»,- ասում են ակցիայի կազմակերպիչները: Այսօր նրանց ակցիան ավարտվեց, նրանք պայմանավորվեցին, որ վաղը՝ ժամը 18:00-ից կսկսեն փակել փողոցներ Երևանի տարբեր հատվածներում: |