Ֆրանսիայի նախագահ Էմանուել Մակրոնը չի պատասխանել Թուրքիայի նախագահ Էրդողանի վիրավորական խոսքերին: Հիշեցնենք, որ Էրդողանը Մակրոնին «Ֆրանսիայի բեռ» է անվանել: «Ես հավատում եմ հարգանքին»,- ասել է Մակրոնը ֆրանսիան Brut պարբերականին տված հարցազրույցում՝ անդրադառնալով Էրդողանի խոսքերին: Ավելի վաղ Էրդողանը հայտարարել էր. «Ֆրանսիան կորցրել է իր վստահությունը՝ որպես միջնորդ Լեռնային Ղարաբաղի հարցում։ Ֆրանսիան Մակրոնի հետ շատ վտանգավոր ժամանակաշրջան է ապրում։ Ես ուզում եմ, որ այն հնարավորինս շուտ ազատվի Մակրոնի բեռից»: |