ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+5 °C, +5 °C ... +16 °C Վաղը`+19 °C
Կապանի քաղաքապետն ու ավագանու անդամները պահանջում են վարչապետի հրաժարականը. Մեղրիի և Գորիսի համայնքապետարանները միացել են կոչին
14:50, 05.12.2020 | mamul.am
3286 | 0

Կապանի քաղաքապետն ու ավագանու անդամները հանդես են եկել կոչով՝ պահանջելով վարչապետի ու կառավարության հրաժարականը: Այս մասին նրանք հայտարարություն են տարածել «Ֆեյսբուք» սոցիալական ցանցում:

«Սիրելի՛ հայրենակիցներ,
Հայաստանն ու Արցախը կանգնած են արհավիրքի առաջ, երկիրն աղետի շեմին է, վտանգված է Սյունիքը։ Պատերազմի առաջին օրերից Սյունիքը միասնական կերպով արժանապատիվ կռիվ է տվել ինչպես ճակատում, այնպես էլ՝ թիկունքում։ Այսօր ևս բոլոր համայնքները լուծում են լրջագույն խնդիրներ, որոնց մասին խոսելու առիթներ դեռ կլինեն։ Սյունիքի համար ճակատագրական այս օրերին բազմաթիվ հարցեր շարունակում են մնալ անպատասխան և չլուծված։ Սահմանի հետ կապված մի շարք հարցեր վիճելի են, Սյունիքի փրկության համար վճռորոշ այս փուլում, երբ պետք է ճակատագրական որոշումներ կայացվեն, համայնքներն են շարունակում մնալ անվտանգությունը երաշխավորող հիմնական դերակատարները։ Մենք կորցրել ենք Արցախի զգալի մասը, ունենք հազարավոր զոհեր, անհետ կորածներ, տնտեսական ու հումանիտար բազում խնդիրներ, որոնց լուծման բեռը շարունակում է մնալ համայնքների ուսերին և իրականացվում է պատվով։ Այս ամենի համատեքստում, նույնիսկ ամենափոքր թվացող հարցերը չեն լուծվում պետական մակարդակում, քանի որ կառավարման ամբողջ համակարգն այս օրերին անգործության է մատնված։ Թշնամին հասել է Սյունիքի դարպասները։ Այս պահին մեր գերխնդիրը Սյունիքի պաշտպանությունն է, բնակչության անվտանգության ապահովումը։ Յուրաքանչյուր րոպեն թանկ է և կարող է անդառնալի հետևանքներ ունենալ։ Ստեղծված իրավիճակում ամեն օր էլ ավելի ենք համոզվում, որ այս իշխանության հետ հնարավոր չէ չեզոքացնել մեզ սպառնացող աղետը, ուստի պահանջում ենք վարչապետ Նիկոլ Փաշինյանի և կառավարության հրաժարականը։ Սա քաղաքական շահարկումների խնդիր չէ, այլ հայրենիքի փրկության, Սյունիքի բնակչության անվտանգության ապահովման հարցն է։ Մենք հասկանում ենք, որ վաղը կարող է շատ ուշ լինել, ուստի այս փուլում կարող և նվիրյալ ուժեր են պետք, որոնք պետք է գործեն հանուն Սյունիքի փրկության, երկիրն աղետալի վիճակից հանելու տրամաբանությամբ։ Այսպիսով, պետք է բոլորս ոտքի կանգնենք և ոչ ասենք այս կործանարար իրավիճակին»։
Պահանջին միանում են.
Կապան համայնքի ղեկավար՝ Գևորգ Փարսյանը,
Կապան համայնքի ավագանու անդամներ՝
Անտոնյան Արեն
Ասրյան Վաչե
Դանիելյան Վահե
Դավթյան Շանթ
Հարությունյան Կամո
Մարտիրոսյան Կարեն
Մեսրոպյան Նապոլեոն
Մովսիսյան Ժան
Գևորգյան Վարդան
Գրիգորյան Վիլեն
Կարապետյան Մանաս
Կոստանդյան Իվան
Մկրտչյան Արա

Մեղրիի համայնքապետարանը նույնպես միացել է այս կոչին.

Մեղրի համայնքի ղեկավար՝ Մխիթար Զաքարյանը

Մեղրիի համայնքի ավագանու անդամներ՝

Ադամյան Աշոտ Արմոյի

Ադամյան Կարեն Սերգեյի

Ադամյան Հարություն Լեռնիկի

Գեւորգյան Գագիկ Ռուբիկի

Գեւորգյան Խաչատուր Դավիթի

Զաքարյան Հրայր Սասունի

Հակոբյան Գարեգին Սերոբի

Հայրապետյան Սուրեն Վոլոդյայի

Հովհաննիսյան Հարութ Գրիշայի

Մարտիրոսյան Կոստանտ Ժուդեքսի

Միքայելյան Սամվել Սանասարի»:

Պահանջին միացել են Գորիսի համայնքապետարանն ու ավագանու անդամները

Գորիս համայնքի ղեկավար՝ Առուշ Առուշանյան,

Գորիս համայնքի ավագանու անդամներ՝
Արարատ Աղաբեկյան, Էրիկ Աղաջանյան, Մհեր Արզումանյան, Գարիկ Գևորգյան, Դավիթ Դոլունց, Կարեն Լազարյան, Գուրգեն Հակոբյան, Սամվել Մաքունց, Մասիս Ղևոնդյան, Արմեն Մկրտչյան, Ոսկան Ոսկանյան, Նարեկ Օրդյան, Գրիգոր Կարապետյան;

Կիսվի՛ր այս նյութով՝
դեպի վեր