Ազատության հրապարակում ավարտվեց ընդդիմադիր ուժերի հանրահավաքը` ՀՀ վարչապետ Նիկոլ Փաշինյանի հրաժարականի պահանջով: ՀՅԴ անդամ Գեղամ Մանուկյանը հայտարարեց, որ պատրաստվում են քայլերթ իրականացնել՝ շարժվելով Բաղրամյան պողոտայով դեպի Պռոշյան փողոց և հասնելով մինչև Կառավարական ամառանոց: «Մենք Փաշինյանի հեռանալու պահանջը ներկայացնելու ենք անմիջականորեն հենց Կառավարական ամառանոցի մուտքի մոտ, որ նա լավ լսի, որ հասկանա, որ իրեն հայրենիքը չի ուզում, ուզում է առանց Նիկոլ Հայաստան: Ամառանոցի մոտ տրվելու են նրա հեռացման համար հստակ պայմաններ և վերջնաժամկետ»,- ասաց նա: |