Ֆրանսիայի մայրաքաղաքի քաղաքապետարանը 90 հազար եվրո տուգանք կվճարի՝ քաղաքային վարչակազմում կանանց շրջանում չափազանց շատ ղեկավար պաշտոններ հատկացնելու համար: Այս մասին հայտարարել է քաղաքապետ Անն Իդալգոն՝ ելույթ ունենալով քաղաքային խորհրդի նիստում, որի գրառումը տեղադրված է Twitter-ում: «Քաղաքը պետք է տուգանք վճարի ղեկավար պաշտոններում չափազանց շատ կանանց նշանակելու համար։ Քաղաքը պետք է տուգանք վճարի, քանի որ նշանակումների 69%-ը կանայք են (11 կին, 5 տղամարդ): Ըստ վերահսկող մարմինների, ղեկավար կազմը չափազանց ֆեմինիստական է դարձել»,- հայտարարել է Իդալգոն։ |