Իռլանդական Ryanair-ը Հայաստանը ներառել է 2021-ի զբոսաշրջային թեժ ուղղությունների շարքում, այս մասին տեղեկանում ենք ավիաընկերության կայքից։ «Արևելյան Եվրոպայի և Ասիայի սահմանին գտնվող Հայաստանն աճող զբոսաշրջային վայր է, որն իր պատմական տեսարժան վայրերով, հետաքրքիր մշակույթով, էքստրեմալ սպորտաձևերով և հայկական համեղ խոհանոցով առաջարկելու բան ունի յուրաքանչյուրի ճաշակի տեր մարդու: Երկրի մայրաքաղաք Երևանը «Վարդագույն քաղաք» են անվանել բազմերանգ հրաբխային քարերի պատճառով, որոնցով քաղաքը կառուցվել է դարեր առաջ»,- ասված է ընկերության հրապարակման մեջ։ Ryanair-ը զբոսաշրջիկներին հայտնում է, որ եթե նրանք «պասիվ 2020 թվականից հետո ցանկանում են ընդլայնել իրենց ճանապարհորդության հորիզոնները, ապա դեպի Հայաստան այցելությունը կարող է լինել 2021-ին ձեզ անհրաժեշտ ուղղությունը»։ Ավիաընկերության կայքում առանձնացված ցանկում ընդգրկված է 21 քաղաք, այդ թվում Վերոնան, Վալենսիան, Թբիլիսին, Մարսելը, Կիևը։ |