Instagram-ը՝ հետևելով Facebook-ի և Twitter-ի օրինակին, սառեցրել է ԱՄՆ գործող նախագահ Դոնալդ Թրամփի օգտահաշիվը։ Ինչպես հաղորդում է РИА Новости-ն, այդ մասին հինգշաբթի հայտարարել է Instagram-ի ղեկավար Ադամ Մոսերին։
«Մենք նույնպես սառեցնում ենք նախագահ Թրամփի օգտահաշիվն Instagram-ում՝ 24 ժամով»,- գրել է նա Twitter-ում։
Ավելի վաղ Twitter-ը սառեցրել էր Թրամփի օգտահաշիվը 12 ժամով, իսկ Facebook-ը՝ 24 ժամով:
Այս սոցցանցերն ու Youtube-ն արգելափակել են նաև Թրամփի տեսաուղերձը ցուցարարներին՝ նշելով, որ այն խախտում է իրենց կանոնները: