Ռուս ընդդիմադիր գործիչ Ալեքսեյ Նավալնին Instagram-ում հայտնել է, որ Գերմանիայից Ռուսաստան կժամանի կիրակի՝ հունվարի 17-ին: «Ես գնել եմ տոմսերը. այնպես որ, հունվարի 17-ին ես կվերադառնամ Մոսկվա»,- հայտնել է նա։ Նա հավելել է, որ փորձում են ամեն կերպ վախեցնել իրեն․ «Գերմանիա գալն իմ ընտրությունը չի եղել։ Ես այստեղ եմ հայտնվել, որովհետև ինձ փորձել են սպանել»։ Հիշեցնենք՝ 2020-ի օգոստոսի 20-ին ինքնաթիռը, որում եղել է Նավալնին, արտակարգ վայրէջք է կատարել Օմսկում՝ նրա առողջական վիճակի վատթարացման պատճառով: Նավալնիին տեղափոխել են Օմսկի հիվանդանոց, իսկ ավելի ուշ Գերմանիա՝ բուժման նպատակով։ Սեպտեմբերի վերջին Նավալնին դուրս է գրվել հիվանդանոցից և վերականգնողական կուրս անցել Գերմանիայում։ |