Mamul.am
Ամբողջական տարբերակ Մամուլի խոսնակ
USD 519.19, EUR 629.57, RUB 7.08, GBP 711.08
-6 °C, -8 °C ... -2 °C Վաղը`-1 °C
Hay / Հայ | Рус | Eng | Tür
«Փորձելու են փոխել նույնիսկ մեր ինքնությունը». Էդուարդ Աբրահամյան
22:10, 13.01.2021

ՀՀ նախագահի օգնական Էդուարդ Աբրահամյանը ֆեյսբուքյան իր էջում գրել. «Փորձելու են փոխել նույնիսկ մեր ինքնությունը։ Իրենք դեռ նոր են համի ընկնում։ Զրոյական հաշվով խաղի տրամաբանությունը (zero-sum game logic) հենց դրանում է։ Պարտվողը զրկվում է ամեն ինչից։ ԱՄԵՆ ինչից։
Իսկ այս ընթացքում որոշ «պայծառ մտքեր» Երևանում 11֊ի փաստաթուղթը win-win են փորձում ներկայացնել։
Ոչինչ, որ նոյեմբերի 9-ի պարտության հայտարարությամբ Հայաստանն իր միջազգային հարաբերություններում երկրների մեծ ընտանիքի հիերարխիայում կարգավիճակային լուրջ անկում արձանգրեց` փոքր տերություն (small power) կարգավիճակից իջեցվեց թույլ միկրո֊պետության (weak micro-state) նվաստացուցիչ աստիճանի։
Կարևորը` դառնալու ենք «ենթակառուցվածքային տարածաշրջանային հաբ»։ Կարող է մշուշոտ ապագայում Ադրբեջանը թույլ տա օգտվել իր երկաթգծից Ռուսաստան ու Իրան հասնելու համար։ Ու սա հաղթանակ են ներկայացնում։ Ոչինչ, որ մենք Վրաստանով ու Հայաստանով հանգիստ հասել ենք համապատասխանաբար Ռուսաստան ու Իրան։
Իրականում, ենթակառուցվածքային դեբլոկադան Ադրբեջանի համար է տրամաբանական հաղթանակի ակնհայտ շարունակություն։ Սրանով էլ ավելի կբարձրանա իր միջազգային կարգավիճակն ու իր արդեն ոչ միայն զուտ ռազմա֊քաղաքական ստորին աստիճանի տարածաշրջանային դոմինանտությունը (lower level dominance status-seeking), բայց նաև տնտեսական, կոմունիկացիոն դոմինանտությունը։
Չէ մի չէ՝ հաբ։
Վիրտուոզ եք, վիրտուոզ»։

Տեղեկացրե՛ք Ձեր մտերիմներին
| |
դեպի վեր