Պաշտպանության նախարար Վաղարշակ Հարությունյանy Ստեփան Դեմիրճյանի տանն էր. փորձում էր համոզել նրան հանդիպել Նիկոլ Փաշինյանի հետ, որպեսզի Փաշինյանի շուրջ քաղաքական կոնսոլիդացիայի տպավորություն ստեղծեն: Այս մասին հայտնում է Mediaport թելեգրամ-ալիքը: «Դեմիրճյանը բանավոր զրույցում մերժել է Փաշինյանին հանդիպելու առաջարկը՝ ասելով, թե ի տարբերություն սպարապետ Վազգեն Սարգսյանի եղբոր՝ Արամի, ինքը արժանապատվություն ունի և չի ցանկանում որևէ ընդհանուր բան ունենալ այս իշխանությունների հետ: Այդ պատճառով նրա տուն են գործուղել Պաշտպանության նախարարին, որը գերիների, անպաշտպան մնացած սահմանների խնդրով զբաղվելու փոխարեն հանդիպումներ բեմադրելով է զբաղված»,- ասված է հաղորդագրության մեջ: |