ՀՀ նախագահի աշխատակազմն ստացել է Առողջապահության նախարար Արսեն Թորոսյանին պաշտոնից ազատելու՝ ՀՀ վարչապետի առաջարկը: Այս մասին տեղեկացրել է նախագահի օգնական Հասմիկ Պետրոսյանը: Ավելի վաղ հայտնի էր դարձել, որ Արսեն Թորոսյանը գնացել է նախարարություն՝ անձնակազմին հրաժեշտ տալու համար: Ըստ մամուլում շրջանառվող լուրերի՝ Թորոսյանը նշանակվելու է վարչապետի աշխատակազմի ղեկավար, տվյալ պաշտոնն այժմ զբաղեցնում է Էդուարդ Աղաջանյանը, որը, ըստ այդ տեղեկությունների, հրաժարականի դիմում է գրել։ Առողջապահության նախարար կնշանակվի Անահիտ Ավանեսյանը՝ ազատվելով առողջապահության փոխնախարարի պաշտոնից; |