Արցախի Դրմբոն գյուղի բնակիչները խնդրել են Ռուսաստանի Դաշնության խաղաղապահ ուժերի զորախմբին օժանդակել Մարտակերտի շրջանից Վարդենիս անարգել տեղաշարժին: Նշենք, որ նույն կերպ ռուս խաղաղարարների ուղեկցությամբ Դրմբոնով անցնում են ադրբեջանական շինարարական տեխնիկայի շարասյուները: Բնակիչների կողմից գրավոր խնդրանքը փոխանցվել է ռուս խաղաղապահ ուժերի հրամանատար Ռուստամ Մուրադովին: Հիշեցնենք, Հայաստանի Հանրապետությունն ու Արցախի Հանրապետությունն իրար կապող երկրորդ ճանապարհը փակվել է նոյեմբերի 9-ի եռակողմ համաձայնագրից հետո: |