+14 °C, +14 °C ... +27 °C Վաղը`+28 °C
Օրենսդիր մարմինն այսօր առաջին ընթերցմամբ ընդունեց օրենքի նախագիծ, որով առաջարկվում է ստեղծել նոր՝ hակակոռուպցիոն մարմին՝ Հակակոռուպցիոն կոմիտե: Կառավարության ներկայացրած նախագիծն ստացավ 84 կողմ, 16 դեմ, 4 ձեռնպահ ձայներ: Նախագծով առաջարկվում է ստեղծել Հակակոռուպցիոն կոմիտե, որի հիմնական իրավասությունը լինելու է ՀՀ Քրեական դատավարության օրենսգրքով իր ենթակայությանը վերապահված ենթադրյալ կոռուպցիոն հանցագործությունների միջդատական քրեական վարույթի կազմակերպումն ու իրականացումը: Կոմիտեի մասնագիտական կազմը համալրվելու է համապատասխան մասնագիտական պատրաստություն անցած կադրերի ներգրավման եղանակով: Հակակոռուպցիոն կոմիտեի կազմում նշանակումները, այդ թվում՝ ղեկավար կազմի, կատարվելու են բաց մրցույթի արդյունքում: Արդեն հայտնել էինք, որ «Լուսավոր Հայաստան» խմբակցությունը դեմ է, որ ստեղծվելիք կոմիտեի ղեկավարին նշանակի վարչապետը՝ առաջարկելով այդ լիազորությունը հանձնել ԱԺ-ին: Ընդդիմադիր ուժի կարծիքով՝ վարչապետի կողմից կոմիտեի ղեկավարի նշանակումը հղի է մի շարք լուրջ հետևանքներով, ընդհուպ՝ «Կառավարության գործիքը» դառնալու վտանգը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am