ԱԺ «Իմ քայլը» խմբակցության պատգամավոր Հովիկ Աղազարյանն այսօր «Ֆակտոր»-ի եթերում հայտնել է, որ մտադրություն ունի օրենքի նախագիծ մշակել, որով քաղաքացները զենք կրելու իրավունք կունենան: «Դա որպես գաղափար միշտ ա ուղեկցել ինձ, ոչ թե երբ պատգամավոր եմ եղել: Ես մտածել եմ, որ ավելի ճիշտ կլինի, որ յուրաքանչյուր քաղաքացի, ով, բնականաբար, ունի համապատասխան փաստաթղթեր և՛ ոստիկանությունից, և՛ առողջապահական համակարգից, զենք կրելու իրավունք ունենա: Կրելը չի նշանակում զենքը դնել գրպանը ու ման գալ: Բնականաբար, հատուկ սահմանված կանոնակարգով պետք ա էդ ամեն ինչը տեղի ունենա: Էսօր դա մի քիչ ավելի արդիական ա դառնում՝ հաշվի առնելով ինչ-որ իմաստով սահմաններում մեր քաղաքացիների անհանգստության խնդիրները»,- ասել է Աղազարյանը: Մանրամասները՝ տեսանյութում: |