ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +3 °C ... +12 °C Վաղը`+16 °C
Ճապոնիայում ավելի քան 60 մարդ է զոհվել ձյունը մաքրելիս
14:25, 19.01.2021 | mamul.am
7818 | 0

Ճապոնիայում ձյան տակ մնացած տների մաքրման հետևանքով զոհվածների թիվը գերազանցել է 60-ը, հայտնել է պետական հողերի, ենթակառուցվածքների, տրանսպորտի և զբոսաշրջության նախարար Կաձույոսի Ակաբան:
Նա ասել է, որ կառավարությունն արտակարգ ֆինանսական օգնություն կցուցաբերի երկրի հյուսիսային շրջաններին, որտեղ ձյան մաքրման համար բավարար ռեսուրսներ չկան:
«Պետությունն արագորեն կհաշվարկի անհրաժեշտ գումարը և օգնություն կտրամադրի ձյան անվտանգ մաքրման համար։ Մենք խիստ մտահոգված ենք մաքրման ժամանակ զոհվածների ռեկորդային թվով»,- ասել է նախարարը՝ Տոկիոյում կայացած մամուլի ասուլիսի ժամանակ, մեջբերել է ТАСС-ը:
Նախարարի խոսքով՝ զոհերի թիվն արդեն գերազացել Է նախորդ ցավալի ռեկորդը, որը սահմանվել Էր 2017-2018թթ․ ձմռանը: Զոհվածների մեծ մասը տարեց մարդիկ են, ովքեր ձյունը մաքրելիս ընկել են իրենց տան տանիքից։
Ձյան առատ տեղումները Ճապոնիայի Հոնսյու կղզու հյուսիսում և Հոկայդո կղզում շարունակվում են անցած տարվա դեկտեմբերից:

Կիսվի՛ր այս նյութով՝
դեպի վեր