ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+14 °C, +3 °C ... +14 °C Վաղը`+16 °C
«Նամակները բացահայտում են, որ Պատրոն Դավոյից գնվել է անորակ, ժամկետնանց և շատ թանկ սպառազինություն». Ա. Բաբաջանյան
17:20, 19.01.2021 | mamul.am
5456 | 0

«Այս պարտությունը հնարավոր է եղել ՀՀ համապատասխան գերատեսչությունների հանցավոր անգործության և նաև հանցավոր գործունեության շնորհիվ»,- այսօր ԱԺ-ում ելույթի ժամանակ հայտարարեց անկախ պատգամավոր Արման Բաբաջանյանը:

Նա նշեց, որ ինքն այժմ ուսումնասիրում է ՀՀ ՊՆ նախկին նախարար Դավիթ Տոնոյանի նամակագրական կապերը փոխնախարարների, ռուսական ընկերությունների և մի շարք այլ անձանց հետ:

«Այժմ ուսումնասիրում եմ նամակագրությունը Դավիթ Տոնոյանի և Դավիթ Գալստյանին՝ Պատրոն Դավոյին պատկանող ընկերությունների և ռուսական սպառազինություն արտադրող ընկերությունների միջև: Այդ նամակները բացահայտում են, որ ՊՆ-ն ուղիղ ռուսական ընկերություններից որակյալ և էժան սպառազինություն գնելու փոխարեն նախընտրել է գնել Պատրոն Դավոյին պատկանող օֆշորային ընկերություններից անորակ, ժամկետնանց և մի քանի անգամ թանկ գներով»,- հայտարարեց Բաբաջանյանը՝ հավելելով, որ այս պահին առնվազն 4 քրգործ կա հարուցված Պատրոն Դավիթի և նրան պատկանող ընկերությունների նկատմամբ:

Կիսվի՛ր այս նյութով՝
դեպի վեր