Նկարիչների միության մեծ սրահում տեղի է ունեցել Սաթենիկ Վարդանյանի «Հիսուս Քրիստոսի կերպարը XX դարի և արդի հայ արվեստում» գրքի շնորհանդեսը, որն ուղեկցվել է արդի հայ նկարիչների թեմատիկ ստեղծագործությունների ցուցահանդեսով: Այս մասին տեղեկացնում է ՀՀ կրթության, գիտության, մշակույթի և սպորտի նախարարությունը: «Ցուցահանդեսում ընդգրկված էին ՀՀ ԿԳՄՍ նախարարության ենթակայությամբ գործող Հայաստանի ազգային պատկերասրահի, Սերգեյ Փարաջանովի անվան և Մայր Աթոռ Սուրբ Էջմիածնի թանգարանների, մասնավոր հավաքածուներում գտնվող հայ անվանի նկարիչների՝Քրիստոսի պատկերը ներկայացնող շուրջ 70 ստեղծագործություններ: Ցուցադրությունը կգործի մինչև հունվարի 21-ը»,- նշված է հաղորդագրության մեջ: |