Կառավարությունն այսօրվա նիստում հաստատեց ռազմական գործողությունների հետևանքով վնասվածք (վիրավորում) ստացած անձանց պրոթեզավորման հատուկ ընթացակարգը հաստատելու մասին որոշումը: «Նախագծի ընդունումը բխում է պատերազմում վիրավորում ստացած անձանց առավել ֆունկցիոնալ պրոթեզավորում ապահովելու անհրաժեշտությունից: Պատերազմի այն մասնակիցները, ովքեր վնասվածքի արդյունքում ունեն պրոթեզավորման կարիք, կիրականացվի միջազգային բոլոր չափանիշներին առավելագույն համապատասխանող ֆունկցիոնալ պրոթեզավորում»,- ասաց Աշխատանքի և սոցիալական հարցերի նախարարը: