Mamul.am
Ամբողջական տարբերակ Մամուլի խոսնակ
USD 525.46, EUR 626.82, RUB 7.03, GBP 726.19
+6 °C, -1 °C ... +8 °C Վաղը`+10 °C
Hay / Հայ | Рус | Eng | Tür
«Բայդենի վարչակազմը կվերանայի անվտանգության ոլորտում Ադրբեջանին ցույց տրվող օգնությունը»․ Բլինքեն
11:30, 22.01.2021

ԱՄՆ պետքարտուղարի պաշտոնում առաջադրված Էնթոնի Բլինքենը՝ Սենատի միջազգային հարաբերությունների կոմիտեում իր թեկնածության հաստատման վերաբերյալ լսումներից հետո, գրավոր պատասխաններով իր աջակցությունն է հայտնել ամերիկյան ֆինանսավորմանը՝ Լեռնային Ղարաբաղում և դրա շուրջ անվտանգության ու հումանիտար ճգնաժամի վերաբերյալ Հայաստանի պահանջները բավարարելուն, հաղորդում է Ամերիկայի Հայ դատի հանձնախումբը (ANCA):

«Մենք ողջունում ենք պետքարտուղար Բլինքենին, որն աջակցում է Հայաստանի անվտանգությանն ու Արցախի պաշտպանությանը,- հայտարարել է Ամերիկայի Հայ դատի հանձնախմբի գործադիր տնօրեն Արամ Համբարյանը: - Ադրբեջանի ագրեսիայի նկատմամբ ԱՄՆ-ի անտարբերությունից մի քանի ամիս անց մենք անհամբերությամբ սպասում ենք Բայդեն-Հարիսի վարչակազմի կառուցողական և պատասխանատու փոխգործակցությանը բոլոր այն հարցերի շուրջ, որոնք հատուկ հետաքրքրություն են ներկայացնում ամերիկահայերի և մեր կոալիցիայի բազմաթիվ գործընկերների համար»։
Նա հավելել է, որ Լեռնային Ղարաբաղում ռազմական գործողությունների բռնկման ֆոնին՝ վարչակազմը կվերանայի անվտանգության ոլորտում օգնությունն Ադրբեջանին։

Տեղեկացրե՛ք Ձեր մտերիմներին
| |
դեպի վեր