«Դուք դղյակ չեք տեսել, այնտեղ դղյակային որևէ բան չկա, էն ժամանակ այնտեղ աղբանոց էր, երբ քաղաքապետարանն այդ տունն ինձ հատկացրեց, այն աղբանոցի էր նման, էդ հիմա է աչք ծակում: Մեր հարևանությամբ այնպիսի՜ տներ կան, որ մեր տունը գոմի է նման: Նախ՝ այդ տունը Մոնումենտում էլ չի»,- պարզաբանելով իր տունը ձեռք բերելու ուղիներն ու պայմանները, ասաց «Իմ քայլը» խմբակցության Բարձրագույն դատական խորհրդի անդամի թեկնածու Գագիկ Ջհանգիրյանը: Նա անդրադարձավ նաև Դավթաշենում գտնվող իր բնակարանի նախապատմությանը: Հիշեցնենք՝ Ազգային ժողովում ընթանում է ԲԴԽ անդամների ընտրության հարցով արտահերթ նիստը: Նշենք, որ արտահերթ նիստին ներկա չեն ԲՀԿ և ԼՀԿ խմբակցությունները: |