ԲՀԿ-ն ու ԼՀԿ-ն չեն մասնակցելու ԲԴԽ անդամների ընտրությանը: «Գործ ունենք 82 անձանց հետ, ովքեր չունեն սեփական կարծիքը և առաջնորդվում են մեկ մարդու կարծիքով, մենք որևէ հնարավորություն չենք տեսնում մեր խոսքով ազդելու այդ մարդկանց որոշումների վրա: Բազմիցս ամբիոնից փորձել եմ հորդորել գործընկերներիս՝ լինել ավելի ողջախոհ ու որոշումների կայացման մեջ ազատ կամք դրսևորել»,- ասել է ԼՀԿ-ից Տարոն Սիմոնյանը: «Մենք չենք մասնակցելու քվեարկությանը. ընթացող գործընթացներում խախտված է հարցերի լուծման առաջնահերթությունը»,- նշել է ԲՀԿ-ական Արման Աբովյանը: ՀՀ ազգային ժողովն արտահերթ նիստում քննարկում է ԲԴԽ անդամների ընտրության հարցը: «Իմ քայլը» խմբակցությունը ներկայացրել է Գագիկ Ջհանգիրյանի և Դավիթ Խաչատուրյանի թեկնածությունները: |