+14 °C, +11 °C ... +21 °C Վաղը`+24 °C
Մոսկվայում այս շաբաթ նախատեսվում է Ռուսաստանի, Հայաստանի և Ադրբեջանի փոխվարչապետների հանդիպումը, որի ընթացքում քննարկվելու է Հարավային Կովկասում տրանսպորտային միջանցքի ստեղծման հարցը։ Հանդիպումը տեղի է ունենալու հունվար 27-ին Մոսկվայում, հայտնում է РБК հեռուստաալիքը։ Ռուսական կողմից հանդիպմանը մասնակցելու է Ալեքսեյ Օվերչուկը, հայկական կողմից՝ Մհեր Գրիգորյանը, ադրբեջանական կողմից՝ Շահին Մուստաֆաևը։ Բանակցային նման ձևաչափի մասին կողմերը պայմանավորվել էին հունվարի 11-ին՝ երեք պետությունների ղեկավարների հանդիպման ժամանակ։ Փոխվարչապետները քննարկելու են միանգամից մի քանի հավանական ծրագիր Հայաստանով Ադրբեջանը Նախիջևանին կապող երկաթուղային ճանապարհի կառուցման, ինչպես նաև՝ Հայաստանը Ռուսաստանին կապող ճանապարհի հարցը։ «Բաքուն ցանկանում է նաև հասնել նրան, որ կառուցվի ճանապարհային մայրուղի, փոխարենը Հայաստանը կստանա Ռուսաստանի հետ հաղորդակցության ճանապարհ»,- РБК-ին հայտնել է ռուսական դիվանագիտական ներկայացուցիչը։ Աղբյուրի փոխանցմամբ՝ փոխվարչապետները քննարկելու են նաև Նախիջևանով Հայաստանն Իրանի հետ կապելու առաջարկը։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am