Ինչպես արդեն հայտնել ենք, այսօր Հայրենիքի փրկության շարժման վարչապետի թեկնածու Վազգեն Մանուկյանն այցելել է Արարատ քաղաք: Լրագրողների հետ զրույցում Մանուկյանը, անդրադառնալով Գյումրիում տեղի ունեցած աղմկոտ միջադեպին, ասաց. «Բնական է, որ ժողովրդի մեջ կան մարդիկ, որ Նիկոլին են պաշտպանում: Ես կարծում եմ, որ այդ մարդկանց հետ լուրջ աշխատանք է պետք տանել, բացատրել՝ ինչն ինչոց է: Նրանք մեր քաղաքացիներն են և կան քաղաքացիներ, որոնք բոլոր իշխանությունների ժամանակ, շահից ելնելով, խուժանություն են անում ընդդիմության դեմ: Այդ մարդիկ էին հավաքված և ես իրենց անվանեցի այնպես, ինչպես անվանեցի: Այո՛, ես ասել եմ, հետո բոմժերից ներողություն եմ խնդրել, որովհետև անօթևան մարդկանց խիստ վիրավորել եմ՝ համեմատելով դրանց հետ»:

Հարցին, թե արդյոք չի ձախողվել փողոցային պայքարը, և ինչու է նա անցել այս ձևաչափով հանդիպումներին, Մանուկյանը պատասխանել է՝ ամեն ինչ իրա տեղն ունի. այն էլ կլինի՝ այս էլ: