Mamul.am
Ամբողջական տարբերակ Մամուլի խոսնակ
USD 525.46, EUR 626.82, RUB 7.03, GBP 726.19
+7 °C, +1 °C ... +11 °C Վաղը`+8 °C
Hay / Հայ | Рус | Eng | Tür
«Սուրենը լավ կլինի այնքան էլ հույսը չդնի «Կարմիր խաչ»-ի վրա». Գագիկ Համբարյան
01:25, 27.01.2021

Քաղաքագետ Գագիկ Համբարյանը ֆեյսբուքյան իր էջում գրել է․ «Իրո՞ք, Սուրեն
Գյումրիում գտնվող ՀՀ տարածքային կառավարման և ենթակառուցվածքների նախարար Սուրեն Պապիկյանը հայտարարել է, որ ադրբեջանական գերության մեջ գտնվող 62 շիրակցիների կյանքին ու առողջությանը սպառնալիք չկա:

Պապիկյանը նշել է, որ նման հայտարարություն անելու համար հիմք է այն, որ շիրակցիների` Ադրբեջանում լինելու փաստը հաստատել է Կարմիր խաչը և դա երաշխավորում է նրանց անվտանգությունը: Սույն նախարարը նաև նշել է, որ ամենօրյա ռեժիմով պետք է աշխատեն, որ գերիները շուտ հետ վերադարձվեն:
Իրո՞ք: Ըստ նախարարի՝ ստացվում է, որ նոր են աշխատելու այդ ուղղությամբ: Իսկ միչև հիմա ըստ ցանկության են աշխատե՞լ՝ հույսը դնելով ռուսների վրա, որ Մոսկվան կվերադարձնի հայ գերիներին, իսկ դավաճան Նիկոլն էլ կինքնագովազդվի:
Համոզված եմ, հիմա էլ այդ հարցը կարող են ռուսները լուծել ու դեմագոգիա է իշխանությունների որևէ ներկայացուցչի կողմից խոստումներ տալը, թե իրենք այդ հարցի շուրջ ինչ֊որ քայլեր են ձեռնարկում: Կապիտուլյանտ Նիկոլն այդ հարցում որևէ բան չի կարող անել, որն ընդունում են նաև նրա թիմակիցներից և սատարողներից ոմանք:
Նախարար Սուրենը լավ կլինի այնքան էլ հույսը չդնի «Կարմիր Խաչ»-ի վրա ու չմոռանա, որ Բաքվում մեր գերիներին բնութագրում են որպես ահաբեկիչներ ու այդ կազմակերպության կողմից վերադարձված շատ գերիներն ինչ վիճակում են եղել...»:

Տեղեկացրե՛ք Ձեր մտերիմներին
| |
դեպի վեր