+23 °C, +13 °C ... +23 °C Վաղը`+27 °C
ԱԺ անկախ պատգամավոր Արման Բաբաջանյանը ֆեյսբուքյան իր էջում գրել է. «Երեկ Վազգեն Մանուկյանը հայտարարել է՝ եթե սահմանադրական ճանապարհով չհասնեն վարչապետի հրաժարականին, կդիմեն ապստամբության։ Ազգի փրկիչների պատուհաս-առաջնորդի սույն հայտարարությունը չի կարող անհետևանք մնալ։ Բոլոր նրանք, ովքեր 2020թ․ դեկտեմբերի 8-ին միաբերան պահանջում էին վարչապետի հրաժարականը՝ հաջակցություն Վազգեն Մանուկյանի, պետք է հստակ դիրքորոշում հայտնեն՝ արդյո՞ք իրենք ևս գտնում են, որ ապստամբությունը, թեկուզ ծայրահեղ, բայց ընդունելի միջոց է իշխանության գալու համար։ Ամենայն հայոց կաթողիկոսը, Մեծի Տանն Կիլիկիո կաթողիկոս Արամ Ա-ն, Գիտությունների ազգային ակադեմիայի նախագահույթունը, «Տաշիր գրուպ» ընկերության սեփականատեր Սամվել Կարապետյանը, նախկին նախագահներն ու նախկին վարչապետ Կարեն Կարապետյանը և այլք պետք է կա՛մ ներողություն խնդրեն հայ ժողովրդից Վազգեն Մանուկյանին սխալմամբ աջակցելու համար և դատապարտեն նրա այս և վերջերս արած անթույլատրելի մի քանի հայտարարությունները, կա՛մ պետք է հստակ կանգնեն ապստամբների առաջնորդի կողքը։ Մենք էլ որպես քաղաքական ուժ հստակ կիմանանք՝ ում հետ ենք կիսում այս մի բուռ հայրենիքը և կորոշենք հետայսու ինչպես, ինչ միջոցներով պետք է պայքարենք օրինականության և սահմանադրականության հետ ոչ մի առնչություն չունեցող և Հայաստանը կործանման դատապարտող այս համատարած հանցավորության, հակասահամանադրականության և անիրավության դեմ»։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am